Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

३ हजार डाइनामाइटले ध्वस्त पारियो ट्रम्पको ३४ तले प्लाजा

0 46

०७ फागुन, एजेन्सी । अमेरिकाका पूर्व राष्ट्रपति डोनल्ड ट्रम्पको प्लाजा हज्जारौं डाइनामाइटको मद्दतले ढालिएको छ । अमेरिकाको अटलान्टिक शहरमा रहेको प्लाजा आफ्नो क्यासिनोका लागि चर्चित थियो । ३००० डाइनामाइटको मद्दतले ३४ तले यो भवनलाई ढालिएको दृश्य निकै रोचक छ ।

यो प्लाजा सन् १९८४ मा खोलिएको थियो र सन् २०१४ मा यो बन्द भएको थियो । थुप्रै आँधीका कारण यो भवनको बाहिरी हिस्सा जर्जर भएको थियो जसका कारण अघिल्लो वर्ष जूनमा नै शहरका मेयर मार्टी स्मलले यो भवनलाई ध्वस्त पार्न आदेश दिएका थिए । जब यो भवनलाई भत्काइँदै थियो तब त्यहाँ सयौं मानिसहरुको उपस्थिती थियो । यहाँबाट मानिसहरुले लाइभ स्ट्रिमिङ पनि गरिरहेका थिए ।

३४ तले यो भवन भत्काउन २० सेकेन्डभन्दा पनि कम समय लाग्यो । बुधबार बिहान ९ बजे आसपास एकपछि अर्को गर्दै थुप्रै बिस्फोट गरियो जसले भवनलाई पूर्ण रुपमा ध्वस्त पार्यो । अटलान्टिक शहरका मेयरका अनुसार भवन भत्काएपछि यसका भग्नावशेष नै ८ तले अग्लो छ र यो हटाउन जूनसम्मको समय लाग्नेछ ।

स्मरण रहोस्, ट्रम्प आफैं पनि हलिउड फिल्ममा देखिइसकेका छन् । उनको यो प्लाजा पनि एक चर्चित फिल्मको हिस्सा बनेको छ । ट्रम्प प्लाजा फिल्म ओशन ११ मा देखिएको थियो । यो फिल्ममा ब्राड पिट, जर्ज क्लूनी, जुलिया रोबर्टस्, म्याट डेमन र केसी एफ्लेकजस्ता कलाकार देखिएका थिए ।

यो प्लाजामा पप सुपरस्टार मेडोनादेखि रेसलर हल्क होगन, म्यूजिक लेजेन्ड किथ रिचर्ड्स र सुपरस्टार एक्टर ज्याक निकलसनजस्ता सेलिब्रिटी पुगिसकेका छन् ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.